Skënderbeu do të luaj të martën përballjen me Partizanin e Beogradit në Serbi, në kuadër të fazës së grupeve në Europa League. Në memorien e çdo sportdashësi qëndron akoma ajo situatë e krijuar tre vite më parë, kur futbollistët e kombëtares u përballen me dhunë dhe urrejtje. Kjo sfidë pritet me mjaft interes dhe çdo shqiptarë do të bëjë tifo për korçarët në këtë sfidë.
Por ka edhe nga ata që do të bëjnë tifozin për partizanin e Beogradit dhe është Xhevat Prekazi, legjenda e futbollit kosovarë. Ai ka qenë pjesë e Partizanit për 9 vite dhe mbanë statusin e trajnerit tek të rinjtë. Kjo lidhje bën që ai të jetë në stadium dhe të mos bëjë tifozin për ekipin Shqiptarë, por për atë të Beogradit, ku ai shprehet se është qyteti i tij. Në një intervistë për “klan” Prekazi është shprehur:
“Beogradi është qyteti im. Uroj fitoren e Partizanit të Beogradit, ky klub është shtëpia ime e dytë”, ka thënë Prekazi. Historia e tij duket si e pasqaruar, por Prekazi e ka përgjigjen gati: “Nuk kam qenë kurrë kundër Kosovës, por e vetmja gjë që më ka interesuar ka qenë futbolli. Beogradin e konsideroj qytet timin, pasi aty kam filluar karrierën dhe jam bërë futbollist me emër. Në këtë qytet kam kaluar vitet e mia më të bukura.”
I pyetur nëse lojtarë nga Shqipëria dhe Kosova mund të luajnë në Serbi, ish-futbollisti, që tashmë bën detyrën e trajnerit në akademinë e Partizanit të Beogradit, deklaroi: “Pse mos të mos luajnë futboll, tani futbollistët nga Serbia po shkojnë në Shqipëri. Mua më thërrasin shumë shqiptarë që i kanë fëmijët talente, po nuk guxojnë të vijnë. Këtu ku unë drejtoj janë edhe tre shqiptarë të pranuar nga të gjithë”.
