Legjenda e Real Madridit dhe Barcelonës, Robert Prosinecki ka treguar lojtarin kroat më të mirë në histori. Prosinecki nuk ka asnjë dyshim se mesfushori i Real Madridit, Luka Modric është lojtari më i mirë në histori të Kroacisë.
Ai tha mënyra si luan dhe titujt e fituar e bëjnë atë më të mirin. “Nuk ka asnjë parametër me të cilin mund të thuash se Modric nuk është më i miri i historisë”, tha Prosinecki për Sporte Novosti.
“Edhe nëse nuk i llogarisim trofetë e tij, mënyra se si luan, si dominon në Real Madrid është mbresëlënëse. Luka ka tre tituj kampion Evrope me skuadër dhe në të tre ishte ndër protagonistet kryesorë dhe në të tre rastet ishte pjesë e formacionit më të mirë”, përfundoi ai.
