LeBron James arriti rekordin e radhës në takimin që Cleveland Cavaliers fitoi ndaj Atlanta Hawks. Ylli i Cavs dha 17 asiste, maksimumi i karrierës së tij dhe shënoi 25 pikë në suksesin arritur 123-114. Ekipi vazhdon të konfirmohet në vend të dytë në Konferencën e Lindjes. King James është lojtari i parë në këto 20 vite të fundit që e përfundon një takim me 10 gjuajtje të drejt koshit, me një përqindje fushe mbi 80%.
Në “Little Caesars Arena”, Denver Nuggets ishin të papërballueshëm në periodën e tretë dhe fituan ndaj vendasve të Detroit Pistons, pas zhgënjimit ndaj Pacers. Denver vazhdon të ruajë vendin e pestë në renditje në Konferencë Perëndimore. Për Detroit ky është KO i gjashtë radhazi.
Luftë e fortë dhe mjaft djersë e derdhur në “Madison Square Garden”, por Los Angeles Lakers ngritën flamurin e bardhë në kohën shtesë. Në fund vendasit e New York Knicks morën një fitore me vlerë dhe shkuan në vend të tetë në Lindje. Një lojë shumë e mirë e Porzingis, me 37 pikë dhe 11 ribaunde.
Nets mundën Washington-in në një takim të luftuar pikë për pikë.
Për Brooklyn shënuan shtatë basketbollistë më shumë se 10 pikë. Në fund ata realizuan trepikëshin që u dha mundësinë e avantazhit (100-98) dhe e mbyllën më pas me 5 pikë avantazh ndaj Wizards. Miqve nuk u mjaftuan 28 pikët e Beal.
Rikthimi në parket i Kawhi Leonard nuk ishte i ëmbël. Dallas Mavericks hoqën qafe San Antonio Spurs me rezultatin 95-89, duke udhëhequr ndeshjen nga minuta e parë.
Philadelphia tronditi “Target Center” në shtesë duke mundur Minnesota Timberwolves, pas një kohe të rregullt që përfundoi 100-100. Rezultati final doli 112-118. U dalluan si në sulm, ashtu edhe në mbrojtje Embiid dhe Holmes. Kuse Butler realizoi 38 pikë, duke marrë rolin drejtuesit për Minnesota që ishte në një ditë të keqe.
Në takimin e fundit, Sacramento mundi Suns falë Hill dhe Randolph (35 pikë të dy) duke u rikthyer fitores pas tronditjes që i shkaktuan Raptors. Phoenix pa t’i ikte një shans i mirë, por pavarësisht 18 pikëve të Warren, erdhi humbja e katërt radhazi dhe 19 sezonale.
