Laorent Shabani është një nga emrat e rinj që trajneri Alban Bushi ka grumbulluar në kombëtaren U-21. Ai është rritur në Suedi dhe luan për ekipin e Malmos, por në momentin që të gjithë bëhen gati për pushime, për Shabanin nis një aventurë e re. I lindur në vitin 1999, ai është ftuar në ekipin kombëtar U21 të Shqipërisë, ku grumbullohen lojtarë të lindur në vitin 1996.
“Është kaq e mahnitshme. Kam ndjekur ekipin kombëtar që kur isha i vogël dhe tani mund të luaj për U21, që është një nivel nën ekipin kombëtar”, tha Laorent Shabani. Talenti i Malmo gjendet në stol kundër Dalkurdit. Kaloi një formë fantastike këtë sezon, por në fund mori disa dëmtime dhe po përpiqet të arrijë formën maksimale. Pasi të luaj edhe ndeshjen e fundit të hënën përballë Elfsborg, ai do të niset menjëherë për Shqipëri që të bashkohet ekipit U21.
“Ata donin që unë të shkoj që të enjten. Por kjo nuk funksionoi. Unë do të shkoj të mërkurën. Do të mungoj një ndeshje kundër Bosnjës, por pastaj ne do të luajmë dy ndeshje në shtëpi kundër Bjellorusisë.”
Ai i ka rrënjë në Shqipëri. Por është rritur në Malmö dhe ka luajtur për ekipet e moshave të Suedisë që në moshë të vogël. Fakti që tani po luan për Shqipërinë nuk do të thotë një zgjedhje e momentit.
“Më kanë ndjekur për njëfarë kohe, por ka qenë një problem i vogël që nuk kam pasur një pasaportë shqiptare. Por trajneri ishte shumë i interesuar dhe nuk hoqi dorë, kështu që tani ata më ndihmuan për të rregulluar pasaportat dhe gjithçka. Unë jam i lumtur që gjërat shkuan kështu dhe më duhet ti falënderoj, pasi nuk kam luajtur kurrë në një ekip kombëtar.”
Lidhjet me Shqipërinë janë të qarta.
“Kam shumë të afërm atje dhe shkoj çdo verë”, thotë Laorent Shabani. Grumbullimi nga ekipi kuqezi për Shabanin ishte si qershia mbi tortë. Por pyetja është se çfarë do të kishte zgjedhur nëse do të ishte detyruar sot – Suedia apo Shqipëria? “Kjo pyetje nuk është e lehtë për t’u përgjigjur. Zakonisht trajnerët thonë gjëra të ndryshme. Unë kam zgjedhur atë që ndjeja më shumë. Prandaj jam krenar që Shqipëria dëshiron që të jem pjesë e tyre në ekipin U21,” përfundon Shabani.
TIRANA TODAY
