“Le lene” ia punon keq Mourinhos, nuk do ta besoni çfarë ka bërë (Foto)

“Le lene” është një ndër emisionet që sjell investigime të mëdha, por ka brenda edhe surprizat ironike të gazetarëve. “Viktima” e fundit e tyre ka qenë Jose Mourinho, i cili ka bërë gjestin më të padëshiruar për të.

Këtë herë, shënjestra ishte trajneri “Special One”. Gazetarët Alessandro Onnis dhe Stefano Corti kanë udhëtuar drejt Manchesterit, për t’u takuar me ish-trajnerin e Interit, Chelseat, Realit e tashmë Manchester United, duke “e detyruar” atë të firmoste një fanellë me një emër “të padëshirueshëm” për të.

Fanella mbante në shpinë numrin 1 dhe…Antonio Conte! Me këtë të fundit, trajneri aktual i londinezëve të Chelseat, ka plasur një luftë verbale gjatë ditëve të fundit.

Trajneri portugez dhe tekniku italian njihen për notat ironike gjatë deklaratave të tyre, por i mbiquajturi “Special One” nuk e ka të re këtë gjë, ndërsa italiani që ka drejtuar edhe Juventusin duket se nuk i ka kapërdirë batutat e fundit ironike të portugezit.