Martesa që në djep është një fenomen, i cili vazhdon të ekzistojë në vendin tonë, edhe pse raste të tilla janë të rralla, dhe ndodhin kryesisht në zona rurale. Media italiane “Le Iene” ka publikuar një rast të tillë, teksa gazetari ka vizituar një familje në Librazhd.
“Viktima” është Margarita, një vajzë e fejuar që në djep, e cila sot është vetëm 13-vjeç, ndërsa i fejuari i saj Alfredi është 25-vjec.
Familjet po presin që Margarita të rritet e të martohet me djalin, ndërsa fejesa është bërë me mblesëri, para shumë vitesh.
I pyetur nga gazetari se përse e ka fejuar vajzën e tij që foshnje, babai i Margaritës është shprehur: “Vajza ime e do djalin. Ne nuk marrim para për këtë punë. Kështu e ka tradita në këtë zonë. Po presim të rritet dhe pak dhe pastaj do martohet.”
Jo vetëm kaq, por ai thotë se po e marton të bijën, pasi ajo e ka mbushur moshën dhe më pas mund të ngelë pa burrë.
Klikoni këtu për ta parë të plotë reportazhin e publikuar nga “La Iene”.
