Partia Levizja Demokratike Shqiptare ka dorëzuar listat e saj të kandidatëve për deputetë në Komisionin Qendror të Zgjedhjeve, (KQZ).
Kryetari i kësaj force politike, Myslim Murrizi do të kandidojë në katër qarqe duke shfrytëzuar mundësinë që i jep Kodi i Ri Zgjedhor.
Murrizi do të kandidojë në qarkun e Tiranës, Fierit, Elbasanit dhe Korçës. LDSH do të garojë si parti e vetme në 25 prill, pa koalicion.
Sot në mesnatë skadon afati për dërgimin e listave të kandidatëve për deputetë nga partitë politike në KQZ.
Deri më tani, kanë dorëzuar listat Lëvzja Socialiste për Integrim e kryesuar nga Monika Kryemadhi, Lëvizja për ndryshim e kryesuar nga Jozefina Topalli dhe Aleanca e Re Demokratike e kryeuar nga Edmond Stojku.
