Lazio i Strakoshës vazhdon ëndrrën Europa League, Plzen-Sporting në shtesë

Lazio do të vazhdojë ëndrrën Europa League edhe për një fazë tjetër, pasi ka siguruar kualifikimin. Italianët mposhtën ukrainasit e Dinamos së Kievit në transfertë me rezultatin e pastër 2-0, pasi në ndeshjen parë në “Olimpico” kishin barazuar 2-2. Lucas Leiva (23’) dhe De Vrij (83’) kanë shënuar golat për ekipin e Simone Inzaghi-t.

Takimi mes Zenit dhe Leipzig është mbyllur në barazim 1-1, por gjermanët janë kualifikuar falë fitores 2-1 të marrë shtatë ditë më parë në Gjermani. Ndërkohë, ka shkuar në shtesë takimi mes Plzen dhe Sporting pasi pjesa e parë është mbyllur 2-0 për vendasit, të cilët janë mundur me të njëjtin rezultat në takimin e luajtur në Portugali.

Francezët kanë eliminuar Atheltic Bilbao-n me rezultatin e përgjithshëm 5-2. Skuadra e Rudi Garcia ka fituar 3-1 ndeshjen e parë të luajtur në “Velodrome” dhe 2-1 atë të luajtur mbrëmjen e sotme në “San Mames”. Atletico Madrid është skuadra e parë që ka siguruar kualifikimin pasi mposhti Lokomotivin e Moskës me rezultatin e përgjithshëm 7-1, në të dyja sfidat.