Klubi i Lazios në Seri A, ka fillua të mendojë seriozisht tërheqjen nga gaza për këtë sezon, pasi besojnë se ndaj tyre janë duke u bërë komplote për ti larguar nga katër vendet e para. Pas humbjen 1-3 në “Olimpico” përballë Torinos, në një ndeshje me shumë polemika duket se tanin ky vendim po mendohet seriozisht.
Lazio u ankua në vendimet e gjyqtarëve në humbjen 1:3 ndaj Torinos, ku nuk u akordua penallti pas prekjes me dorë të Iago Falque, ndërsa në anën tjetër Ciro Immobile u ndëshkua me karton të kuq. Ndërsa presidenti i Lazios, Claudio Lotito ndjen se janë viktimë e kampanjës politike, të cilët nuk duan që skuadra e tij të përfundojë në top katërshe. Sipas Premium Sport, Lazio është duke e menduar seriozisht largimin nga garat këtë sezon.
Pas ndeshjes trajneri Simeone Inzaghi tha se kjo është java e katërt me radhë që ata po dëmtohen nga vendimet e gabuara të gjyqtarëve. Kujtojmë atë penallti të akorduar në minutat e fundit përballë Fiorentinës, e cila u vendos nga sistemi VAR dhe bëri që ndeshja të përfundonte në barazim. Ndërsa në ndeshjen e së hënës arbitri edhe pse përdori sistemin VAR, nuk akordoi penallti për lacialët pas prekjes me dorë të Falque por karton të kuq të Immobiles pas përplasjes me një nga mbrojtësi e Torinos.
