Lazio dhe Inter janë përballë një lufte të madhe mes tyre që do të vendosin fatin e sezonit për të marrë një vend në Champions League. Të dielën në mbrëmje do të jepet verdikti ku Lazio do të luaj për dy rezultate, ndërsa Interi vetëm për fitore, ndeshje e cila do të sjellë shumë miliona në arkat e ekipit.
Shumë tifozë të të dyja ekipeve heqin pashmangshmërisht paralele me një ndeshje në të njëjtin stadium, 16 vite më parë. Asokohe në lojë ishte titulli dhe disfata e Interit solli edhe dështimin e zikaltërve mes lotëve për fronin e kampionit.
Në vitin 2002, golat e Christian Vierit dhe Di Biagios dhanë iluzionet e një suksesi komod, por fatet në “Olimpico” ndryshuan shpejt. Dygolëshi i Karel Poborskýt dhe rrjetat e Simeones dhe Inzaghit përmbysën gjithçka. Si për ironi të fatit, ish-sulmuesi i Lazios, tani në pankinën e romanëve, do të provojë sërish të pengojë Interin.
Nga ajo pasdite, e kthyer në makth për tifozët interistë, mbetën në mendje lotët e brazilianit Ronaldo në pankinë. 75 mijë tifozë ishin në stadiumin “Olimpico”. Historia e Lazios dhe Interit, kohët e fundit është shkruar shpesh në javët finale, duke diskutuar gjithmonë pikë të vyera.
Megjithatë, kapitujt e historisë nuk fshihen dhe asnjë interist nuk do të mund ta harrojë “5 majin”, por do të shpresojë se këtë të diel do të mësojë nga e kaluara, duke nisur nga hyrja në Champions.
