Ish -drejtori i Përgjithshëm i Postës Shqiptare, Majlind Lazimi, pas shkarkimit nga kjo detyrë, tha për mediet se nuk i është komunikuar asgjë në rrugë zyrtare, mbi sa flitet në media dhe se është informuar për “vendimin e çuditshëm”, nga mediet.
Ai mohon të ketë kryer shkelje apo bërë presion ndaj vartësve të tij ndërsa e cilëson vendimin si tërësisht politik.
“Shkarkimi im është hakmarrje politike. Nuk ka asnjë provë ligjore për këtë akuzë. Është një akt dëshpërimi. Asnjë presion nuk është bërë ndaj asnjë punonjësi të postës shqiptare”, shprehet Lazimi.
Nga ana tjetër, Kryeministria ende nuk ka publikuar të dhëna të detajuara mbi të cilat ka bazuar shkarkimin e Lazimit.
