Gazetari Robert Rakipllari deklaroi sonte se largimi i ish-ministrit Fatmir Xhafaj ka ardhur si rezultat i operacionit të fundit të arrestimeve.
I ftuar në studion e emisionit ‘Opinion’, Rakipllari u shpreh se megaoperacioni i shërbeu qeverisë, por ishte një operacion që kaloi të fortit.
Është e vërtetë se dorëheqja e ministrit na kapi të gjithëve të papërgatitur. Unë mendoj se nuk ka ndodhur të premten. Në tekstin e botuar nga faqja e Ministrisë së Brendshme thuhej se ka ndodhur ditën e enjte.
Nga ajo që thuhet ka pasur një krisje te fortë në marrëdhëniet e ministrit me kryeministrin. Xhafaj kishte një lloj autonomie në ushtrimin e detyrës. Megjithatë kryeministri e mbështeti përgjatë sulmeve të opozitës.
Ai nuk ishte aty se ishte i besueshmi i kryeministrit. Por ai ishte aty si një përfaqësues i socialistëve dhe i rekomanduar nga ndërkombëtarët.
