Kreu i PDIU, Shpëtim Idrizi, ka sqaruar sërish vendimin e Këshillit Kombëtar të kësaj partie, me frontin opozitar. Përmes një interviste të dhënë për “News 24”, ai i mëshoi faktit se PDIU s’ka qenë pjesë e qeverisjes, dhe se në zgjedhje kjo forcë hyri e vetme. Ai tha ndër të tjera se kjo zgjedhje vjen për shkak se mazhoranca e ka marrë të gjithë qeverinë për vete.
“Vendimi i kryesisë për thirrjen e Këshillit Kombëtar, ishte një veprim i arsyetuar, por edhe i detyruar për tu vendosur me partitë opozitare.
Nuk kemi ikur nga askush. Në zgjedhje kemi hyrë të vetëm. Mazhoranca e mori gjithë qeverinë për vete, dhe ne s’jemi pjesë e qeverisjes. Bashkimi me opozitën ishte e vetmja rrugë për PDIU, pasi edhe Kodi Zgjedhor na detyron të rreshtohemi në koalicion, sepse mazhoranca na mori që në zgjedhje mandatet tona. Nesër kemi parashikuar një takim me z. Basha. Pra, ne bashkohemi me opozitën për t’i shtuar një vlerë”, u shpreh Idrizi.
