Një ditë më parë ka përfundur mandati i Prokurorit të Përgjithshëm, duke i lënë rrugë zgjedhjes së një prokurori të përkohshëm. Kuvendi shpalli zyrtarisht vakancën. Ky vendim vjen pasi Komisioni i ligjeve miratoi vetëm me votat e mazhorancës hapjen e procedurave. Opozita e quajti antikushtetues këtë veprim të mazhorancës dhe braktisi mbledhjen përpara votimit. Socialistët hapën procedurën për zgjedhjen e zëvendësuesit të kryeprokurorit Adriatik Llalla me argumentin se atij i ka përfunduar mandati 5-vjeçar dhe nuk ka asnjë hapësirë ligjore për shtyrjen e tij.
Por çështje e zgjedhjes së Kryeprokurorit të Përgjithshëm në vendin tonë ka marrë vëmendjen e mediave ndërkombëtare. Kështu në një artikull të saj francezja “courrierdesbalkans.fr”, shkruan se zgjedhja e prokurorit të ppërkohshëm, po shfrytëzohet nga ana e mazhorancës për të larguar vëmendjen nga çështjen e ish-ministrit të Brendshëm Saimir Tahiri, i cili akuzohet nga Prokuroria për përfshirjen në dosjen “Habilaj”, të dorëzuar nga Gjykata e Catanias autoriteteve shqiptare.
“Mandati i Prokurorit të Përgjithshëm të Tiranës përfundoi të enjten, më 7 dhjetor. Por, problemi qëndron tek fati se, institucionet e reja për të përcaktuar pasardhësin e tij, të siguruar nga reforma e drejtësisë, ende nuk janë ngritur. PS i dorëzon dosjen Parlamentit, opozita e denoncoi si një gjest “jo-kushtetues” dhe frikësohet se partia në pushtet po përpiqet të varrosë çështjen e Tahirit, me këtë veprim”.
Por autori i shkrimit, Louis Seiller, në tej ka ngritur pyetjen nëse do të ketë një tjetër marrëveshjes mes kryedemokratit Basha dhe kreut të qeverisë Rama. Ky i fundit një ditë më parë nga Bullgaria, i kërkoi kreut të PD-së një pakt evropian për zgjedhjen e përbashkët të kryeprokurorit.
“A mund te themi se sërish ekziston mundësi e një marrëveshje sekrete midis Edi Ramës dhe Lulzim Basha, si ai i 18 maj? Përfundimi i mandatit të Prokurorit të Përgjithshëm të tanishëm shkakton përplasje të ashpra mes shumicës dhe opozita, përplasjet e të cilëve mund të gjenden jashtë kuadrit Parlamentar. I vendos në atë detyrë që nga viti 2012, Adriatik Llalla, duhej ta linte postin më 7 dhjetor. Sipas reformës së drejtësisë të miratuar në Korrik 2016, Prokurori i ri i ri duhet të emërohet nga institucione të reja gjyqësore, të tilla si Këshilli Eprori i Gjyqësorit”, shkruhet në media Franceze.
Por, më ndryshimet kushtetuese kryeprokurori zgjidhet nga Këshilli i Lartë i Prokurorisë për një mandat 7-vjeçar dhe votohet nga kuvendi me 84 vota. Por në kushtet kur ky Këshill nuk është ngritur ende për shkak të mungesës së kandidaturave nga shoqëria civile, mazhoranca i referohet dispozitës kalimtare nr. 109 e cila parashikon zgjedhjen e një Prokurori të përkohshëm.
Por këndvështrimet mes palëve ndahen për një presje. Sipas Oerd Bylykbashit, Neni 109 nuk është i aplikueshëm pasi ai parashikon zgjedhjen e një Prokurori të Përkohshëm vetëm kur Prokurorit në detyrë i ndërpritet mandati para kohe dhe aktualisht – thotë ai – nuk jemi në këto kushte.
Argumentet ligjore që sjellin përfaqësuesit e mazhorancës me atë të opozitës nuk përputhen në asnjë pikë.
Pavarësisht se të dyja palët kërkuan reflektim, socialistët për ta zgjedhur së bashku prokurorin e përkohshëm dhe opozita që komisioni të mos e ndërmarrë këtë hap, komisoni vetëm me votat e anëtarëve të mazhoracën vendosi që për 5 ditë të gjithë kandidatët e interesuar të dorëzojnë dokumentacionin e nevojshëm. Më pas do të ketë një seancë dëgjimore dhe kandidatët që plotësojnë kriteret t’i çohen parlamentit për votim.
Kryeministri Rama i kërkoi opozitës të ulen në një tryezë për një pakt kombëtar për integrimin, ku pikënisje të jetë zgjedhja me konsensus e prokurorit të përkohshëm, duke nënvizuar se mazhoranca mund ta votojë atë edhe e vetme me shumicë të thjeshtë. Këtë pozicion kryeministri e përforcoi këtë të enjte, duke folur për mediat gjatë vizitës së tij në Bullgari.
Rama thotë se ftesa e tij drejtuar opozitës, përfshirë dhe ajo për prokurorin e përgjithshëm, është në funksion të hapjes së negociatave. TIRANA TODAY
