Kreu i PD-së Lulzim Basha ka reagua për dorëheqjen e ministrit të Brendshëm Fatmir Xhafaj. Lulzim Basha e konsideron një hap të rëndësishëm për betejën për të pastruar politikën nga krimi.
Në një postim në rrjetet sociale, kreu i Partisë Demokratike thotë se largimi i tij është vetëm fillimi i shkërmoqjes së bashkëqeverisjes së Edi Ramës me krimin.
“Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit”, shkruan Basha.
