Ish-kryeministri Sali Berisha, i ftuar në ABC News u shpreh se të gjithë personat që kanë mbetur jashtë listave të partisë demokratike janë ish-bashkëpunëtorë dhe ish-miqtë e tij. Por kur u pyet nga gazetarja se ata tashme janë vetëm ish bashkëpunëtorë ai tha se janë janë…
Berisha shtoi se arsyeja pse nuk është prononcuar në lidhje me këtë fakt ka të bëjë pikërisht me vendimin që mori në 2013.
Pjesë nga intervista e Berishës:
(Gazetarja e pyet në lidhje me vendimin për të lënë jashtë listave Topallin, Selamin, Bregun, Patozon, Imamin)
Berisha: Këto që përmende ti janë ish-bashkëpunëtorë dhe ish-miq të mi.
Gazetarja: Ish-bashkëpunëtorë, domethënë nuk janë më z.Berisha?
Berisha: Jo janë janë..
“Por unë nuk kam ndërhyrë dhe as nuk ka për të ndërhyrë ndonjëherë në çështje të brendshme të PD.
Sepse çdo prononcim dhe çdo hap në një drejtim më nxjerr nga statusi im dhe unë nuk bëj asnjë hap nga vendimi që mora në vitin 2013 dhe unë do vazhdoj t’i qëndroj vendimit tim.”
Gjithashtu Berisha tha se “Fatkeqësi në qoftë se pasardhësi im do të më imitonte. Basha po konturon lidershipin e tij. Basha ka drejtuar PD-në sipas mënyrës së tij që në muajin e parë. Unë kam dashur që modeli që unë kam drejtuar të mbyllet. Opinionistët e mohonin modelin e drejtimit të Lulzim Bashës. Në PS nuk ndodhi ndryshimi i gjeneratave, Fatos Nano dhe Basha janë një gjeneratë. Mund të them se në shpirt Nano është dy herë me i ri se Rama.”
