Ambasadorja e BE në Tiranë Romana Vlahutin dhe ai i SHBA-ve Donald Lu, kanë organizuar sot një pritje ‘lamtumire’. Pritja e dy ambasadorëve bëhet sepse të dy janë në fund të mandatit të tyre në Shqipëri, opozita nuk ka shkuar në këtë pritje.
Opozita ka vendosur të refuzojë ceremoninë e lamtumirës së dy diplomatëve. Në këtë mbrëmje janë ftuar përfaqësuesit më të lartë të partive politike dhe qeverisë.
Nga ana tjetër Kuvendi vijon seancën plenare, ku në qendër të diskutimit është projektligji për shembjen e Teatrit Kombëtar, ndërkohë pritet që diskutimet të vazhdojnë deri në mesnatë. Pyetjes së gazetares Karapanco nëse do shkojnë apo jo në këtë pritje, i është përgjigjur kryetari i PD-së Lulzim Basha. Ai theksoi se: “Kemi parlament ne”.
Kujtojmë se opozita ka sulmuar shpesh ambasadoren e Bashkimit Europian, Vlahutin se mban anën e qeverisë.
