Ka ndërruar jetë në moshën 81-vjeçare John G. Avildsen, regjisori i filmave legjendarë “Rocky” dhe “Djali i Karatesë”.
Lajmi u bë i ditur nga djali i tij, Anthony, i cili tha për medien amerikane se i ati kishte vdekur si pasojë e kancerit pankreatik në një spital në Los Angeles.
“Rocky”, pavarësisht buxhetit të ulët, u kthye në filmim me rekord të ardhurash në vitin 1976, film i cili fitoi një Oskar për pamjet më të mira, dhe një për Advidsen si regjisor.
Ai po ashtu drejtoi edhe filmat Djali i Karatesë në vitin 1984, si dhe serinë e dytë dhe të tretë të këtij filmi në vitet 1986 dhe 1989.
Avildsen la gjurmët e tij në kinematografi, dhe humbja e tij hidhëroi shumë artistë, mes tyre edhe Sylvester Stallone, i cili nderoi regjisorin me një postim në Instagram: “U prefsh në Paqe. Jam i sigurt se së shpejti do të drejtoni suksese në parajsë – Faleminderit Sly”.
