Skandali i Unazës së Re, duket se ka fundosur ministrin më të fuqishëm të Ramës. Duke iu referuar burimeve të “SYRI.net”, kryeministri Rama ka vendosur të largojë nga posti i ministrit Damian Gjiknurin. Pritet që pasi ta largojë si ministër, ai do ta gradojë si kryetar të grupit parlamentar të PS-së, duke paralajmëruar SPAK-un e duke u thënë se Gjiknuri është sërish i mbrojturi i tij.
Po kështu, lëvizja e radhës vjen edhe për Taulant Ballën. Karriera në postin drejtues të socialistëve i ka ardhur fundi për Taulant Ballën. Ky i fundit do të largohet nga kryetar i grupit parlamentar.
Burimet shtojnë se ai do të jetë deputet i thjeshtë, dhe sekretar i Përgjithshëm i PS-së. Skandali i Toyota Yaris, lidhjet me Edmond Begon dhe bandat e tjera të Elbasanit, duket se i kanë dhënë goditjen fatale Taulant Ballës.
