Një punonjës i IKMT-së është goditur nga banorët e Astirt, teksa po i lajmëronte pronarët e objekteve në këtë zonë se janë pengesë për zbatimin e projektit të “Unazës së Madhe”.
Bëhet fjalë për 50-vjeçarin me iniciale A.B., i cili është qëlluar në detyrë me mjete të forta, duke pësuar fraktura në kokë. Ngjarja e rëndë është denoncuar këtë të enjte nga vetë institucioni.
I plagosuri është transportuar me urgjencë drejt spitalit të Traumës në Tiranë.
Njoftimi i plotë:
Nje ngjarje e rende ka ndodhur sot paradite ne “Astir” me banoret e kesaj zone dhe nje prej punonjesve te IKMT gjate kryerjes se detyres. A.B, 50 vjec, eshte goditur me mjete te forta nga banoret duke i shkaktuar frakture te forte ne koke dhe ne duar.
Ai eshte transportuar me urgjence ne spitalin ushtarak per te marre mjekimin e duhur. Punonjesi i IKMT, ishte duke kryer detyren, teksa lajmeronte poseduesit e disa objekteve ne kete zone se jane pengese e zbatimit te projektit te Unazes se Madhe.
IKMT denoncon fort kete akt barbar mbi punonjesin e saj dhe kerkon nga organet perkatese te shtetit te marrin masat e menjehershme per venien para pergjegjesise se autoreve.
Po ashtu IKMT u ben thirrje banoreve dhe qytetareve, se punonjesit e saj jane ne sherbim te ligjit dhe komunitetit dhe nuk do te terhiqen per asnje moment nga detyrat e tyre, pavaresisht sjelljeve rrugacerore, barbare dhe te paligjshme.
