Protesta e opozitës së bashkuar ka përfunduar pas më shumë se 5 orësh. Në një mbledhje të organizuar në shesh mes Bashës, Kryemadhit, Berishës dhe deputetë të tjerë të opozitës, u vendos që protesta të mbyllej për sot dhe të riktheheshin sërish të enjten në orën 10. Basha tha se protestat do të vazhdojnë deri në rrëzimin e Ramës dhe qeverisë së tij.
“Të vendosur për të mos pranuar më asnjë ditë një kryeministër të korruptuar dhe të kapur nga mafia. Në emër të opozitës ju jap mirënjohjen të gjithë qytetarëve që i dhanë zë në të gjithë botën me revoltën qytetare. Do të vazhdojmë deri në përmbysjen e kësaj qeveri me protesta.
Një qëndresë e vendosur për qeverinë e korruptuar. U provokuam nga narkopolicët e narkoqeverisë, por nuk do të biem pre asnjëherë. Populli do të marrë në dorë fatin e tij, me votë dhe jo me dhunë e vjedhje.
Bëj thirrje që të mblidhem sërish edhe më shumë se ishim sot ditën e enjtë, për të mos lënë më Edi Ramën që të futet në godinën e Kryeministrisë.” tha Basha.
