Një aksident i rëndë ka ndodhur pasditen e sotme në aksin rrugor Fushë-Krujë-Laç.
Burime nga terreni për Tirana Today, bëjnë me dije se si pasojë e këtij aksidenti janë plagosur dy persona dhe një nga të lënduarit është në gjendje të rëndë për jetën.
Pas mbërritjes në vendngjarje të Policisë Rrugore dhe ndihmës së shpejtë, njëri prej të plagosurve është dërguar me urgjencë në Spitalin Ushtarak në Tiranë, ndërsa tjetri ndodhet në spitalin e Krujës.
Mësohet se në këtë aksident janë përfshirë dy motoçikleta dhe një automjet i tipit “Ford”.
Gjithashtu, thuhet se kjo ngjarje ka ndodhur në orën 18:30 dhe ende nuk dihen shkaqet e aksidentit.
(TIRANA TODAY)
