Në kuadër të ditës ndërkombëtare të mësuesit, ministrja e Arsimit dhe Sportit, Lindita Nikolla bëri një deklaratë që do ti gëzojë të gjithë arsimtarët në vend. Nikolla tha se parashikohet një rritje rrogash prej 40 % për të gjithë mësuesit të cilët duhet të mbështeten jo vetëm me pagën e tyre por edhe me mënyrën se si formohen në auditore.
Nikolla : Do të mundësojmë nxjerrjen nga niveli i dobët të më shumë se 2200 mësuesve në të gjithë Shqipërinë, ashtu sikurse do të ndërtojmë një sistem të ri të kualifikimit. Ne jemi angazhuar të rrisim deri në 40% pagën e tyre. Mësuesit duhen mbështetur me mënyrën sesi formohen dhe si formohen në fakultetet e edukimit.
Këtë deklaratë Ministrja Nikolla e bëri gjatë një takimi në gjimnazin Sinan Tafaj në Tiranë.
