Instituti Kombëtar i Shëndetësisë Publike (IKSHPK) njoftoi se ka regjistruar 35 raste të reja me koronavirus në 24 orëte fundit. Lajm i mirë, edhe fakti se gjatë kësaj periudhe kohore nuk është regjistruar asnjë viktimë nga ky virus.
Rastet e reja dalin pas testimit të 3.199 mostrave dhe nga kjo shifër i bie që një për qind e të testuarve kanë dalë pozitivë me koronavirus.
Komuna me më së shumti raste të reja me COVID-19 është ajo e Prishtinës, përkatësisht, në kryeqytetin e Kosovës janë regjistruar nëntë raste të reja.
Në 24 orët paraprake, 180 pacientë janë shëruar nga sëmundja COVID-19, që e shkakton koronavirusi.
Njoftimi i IKSHPK
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.199 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 35 raste pozitive.
Brenda 24 orëve nuk është raportuar asnjë rast i vdekjes me SARS CoV-2 pozitiv.
Numri total i rasteve pozitive është 107.213 raste nga 588.812 persona të dyshimtë në virusin SARS-CoV-2 dhe 2.239 raste të vdekjes.
Gjatë 24 orëve të fundit, janë shëruar 180 pacientë derisa numri i përgjithshëm i të shëruarve deri më sot është gjithsej 101.279 raste, kurse numri i rasteve aktive është 3.695.
Rastet pozitive janë nga komunat: Prishtinë 9 raste, Ferizaj 4 raste, Lipjan 4 raste, Mitrovicë 4 raste, Klinë 2 raste, Obiliq 2 raste, Prizren 2 raste dhe me nga një rast komunat Gjakovë, Gjilan, Malishevë, Pejë, Podujevë, Rahovec, Shtime dhe Viti.
Mbuloni gojën dhe hundën me maskë!
Mbani higjienën!
Respektoni distancën!
