Prokuroria ka kërkuar gjithsej 126 vite burg për të akuzuarit në lidhje me laboratorin e kokainës në Xibrakë, konkretisht për 9 të akuzuarit.
Kështu, për nipin e Enver Hoxhës janë kërkuar 13 vite burg, ndërsa për kolumbianët janë kërkuar nga 14 vite burg.
Konkretisht, Prokuroria ka kërkuar vite burg si më poshtë:
Ermal Hoxha 13 vjet burg
Ilir Hyseni 14 vjet burg
Genci Xhixha 15 vjet burg
Arjan Dalipi 13 vjet burg
Cesar Avilla (kolumbian) 14 vjet burg
Valter Moreno (kolumbian) 14 vjet burg
Sajmir Batku 15 vjet burg
Gentian Gjonaj 14 vjet burg
Klement Dalipi 14 vjet burg
Para dy vitesh u zbulua në Xibrakë të Elbasanit një laborator droge, ku bëhej nxjerrja e kokainës së shkrirë në materiale të ndryshme përmes një procesi të komplikuar.
Nipi i Enver Hoxhës, Ermali bënte transportin e tyre nga Tirana në Elbasan thuajse çdo ditë, si dhe survejonte kalimin e saj në vende të Europës, kryesisht në Gjermani.
Ermal Hoxha, ka pasur rolin e financuesit dhe të financierit, ndërsa dyshohet se ishte personi që mbulonte likuidimin e drogës kur hynte në Shqipëri dhe që merrte paratë nga marrësit kur nxirrnin kokainë jashtë vendit.
Ilir Hyseni realizonte kontaktet me furnitorët dhe blerësit fundorë në Gjermani.
Pjesa tjetër e të arrestuarve dyshohet të jenë korrierë, ndihmës dhe bashkëpunëtorë të niveleve më të ulëta.
