Bes Kallaku, Erion Isai dhe Olsi Bylyku do të jenë bashkë, në një emision të ri. Të tre aktorët e humorit janë shfaqur krah Ardit Gjebreas dhe Aleksandër Frangaj, teksa po punojnë.
Pak ditë më parë, ishte Olsi Bylyku, siç e njohim me emrin e artit Kimikati, i cili ka lënë “Top Channel”. Shumë pikëpyetje u ngritën se ku do ta shihnim atë, po çdo gjë ka marë përgjigjen përfundimtare.
Ai, në një prononcim për “intv.al” ka zbuluar detajet e emisionit. Olsi u shpreh se 3 aktorët e njohur do të kenë një minutazh kohor rreth 1 orë-1 orë e gjysmë në spektalin e të “Dielës Shqiptare”, ku do të realizojnë emisionin e tyre me skena të ndryshme gazmore, “Stand up-e”, por edhe personazhet e njohur komikë që ata kanë bërë gjatë gjithë viteve, me të cilët jemi familjarizuar.
Olsi shtoi se në programin e tyre do të ketë të ftuar të ndryshëm, personazhe të njohur nga bota e show bizz-it në vend.
