Ambasadori i SHBA-së i akredituar në Beograd, Kyle Randolph Scott, ka thënë se, nuk jemi për Shqipëri të Madhe, as për Serbi të Madhe apo për Kroaci.
“Nuk jemi për Shqipëri të Madhe, as për Serbi të Madhe apo Kroaci, nuk duhet më të ekzistojë lufta për kufijtë në Ballkan, por duhet të shikohet përpara”, thotë Scott, transmeton Blic.
Scott, i pyetur nga gazetarët për deklaratën e William Walker, ai është përgjigjur se “akoma nuk e kam parë këtë video”. Ditë më parë kryeministri i Serbisë, Aleksander Vuçiç, reagoi ashpër kundër deklaratës së William Walker, duke thënë se “Për këtë do të i informojmë të gjitha institucionet e Bashkimit Evropian dhe botërorë dhe ai këtë gjë e ka thënë të paramenduar mirë, me një planë dhe projekt”.
