Ministrja e Arsimit dhe Sportit, Evis Kushi, ka përgënjeshtruar lajmin që po qarkullon në media se qeveria nuk ka shpërblyer ende për titullin kampion bote në peshëngritje, Briken Çaljan.
Ajo nënvizon se lajmi është i pavërtetë dhe se Ministria e Arsimit i ka kryer të gjitha procedurat financiare për shpërblimin e të gjithë sportistëve që kanë fituar medalje.
Statusi
Po lexoj sot në media një lajm të pavërtetë që gjoja qeveria sorollat kampionin Briken Çalja dhe nuk e ka shpërblyer ende për titullin kampion bote në peshëngritje. Për informim të opinionit publik, po ju publikoj urdhërat e pagesës për shpërblimin e Brikenit bashkë me trajnerin e tij, jo vetëm për kampionatin botëror por edhe atë evropian.
Aktualisht, MAS i ka kryer të gjitha procedurat financiare për shpërblimin e të gjithë sportistëve që kanë fituar medalje, nëpërmjet federatave sportive përkatëse, sipas legjislacionit në fuqi. Pas kësaj, është detyrim i vetë federatave për të kaluar këto shpërblime të qeverisë në llogarinë personale të sportistëve.
I bëj thirrje të gjitha federatave që të zbatojnë detyrimet e tyre ndaj sportistëve brenda afateve të caktuara.
Qeveria shqiptare do të vazhdojë të mbështesë pa u ndalur sportistët tanë elitarë dhe zhvillimin e sportit në tërësi.
Briken Çalja ka reaguar për “Panorama Sport”, lidhur me postimin e bërë ditën e djeshme në profilin e tij “Instagram”.
Ai sqaron opinionin publik se në llogarinë e tij ka kaluar vetëm urdhri i parë i Ministrisë, siç dhe ai ka rënë personalisht dakord për ndarjen e shpërblimit në pjesë.
“Sqarim për opinionin publik në lidhje me situaten e krijuar:
Së pari, postimi i bëre dje në profilin tim nuk ka lidhje me shpërblimet financiare të medaljeve të fundit. Për çdo postim në profilin tim, mbaj përgjegjësi morale prandaj është e udhes të sqaroj konkretisht disa situatat dhe mos ti lihet vend keq intepretimeve.
Së dyti, me që kartat për temën e shperblimeve u hapen mbi tryezë, doja të sqaroja dhe të vija pikat mbi “i” për disa gjëra.
Në lidhje me qeverinë dhe Ministrinë, konkretisht i jam vërtet mirënjohes për Ligjin e ndryshuar të Sportit dhe për procedurat korrekte në lidhje me shperblimet e sportistave per medaljet e fituara. Ministria e ka bërë punën e vete për këtë teme dhe korrektësia e treguar nga ana e saj meriton veç se duartrokitje.
Në lidhje me Federaten e Peshëngritjes, doja thjesht të shprehja keqardhje për gënjeshtrat dhe hipokrizitë e vazhdueshme në lidhje me këtë temë. Nëse në llogarinë e Brikenit ka ardhur shpërblimi i plote i medaljeve siç Federata pretendon, kjo është lehtesisht e verifikueshme. Në llogarinë e Brikenit ka kaluar vetëm urdhri i parë i Ministrisë, siç dhe unë kam rënë personalisht dakord për ndarjen e shpërblimit në pjesë. Çdo transaksion bankar është lehtësisht i verifikueshëm në sistemet bankare dhe në Thesarin e Shtetit, kështu që ti lemë menjane hipokrizitë dhe gënjeshtrat por ti japim drejtim punës siç duhet.
Mbaj përgjegjësi morale e ndoshta edhe më tepër për fjalitë e fundit në lidhje me Federatën e Peshengritjes dhe procedurat e shpërblimit financiar!
Doja thjesht t’ju falenderoja për përkrahjen dhe shihemi së shpejti në garat e ardhshme. Brikeni”.
