Ditën e djeshme në media bëri bujë lajmi se kreu i Partisë Demokratike ka shtuar eskortën e shoqërimit.
Kjo gjë çoi në pretendimin se kreu i opozitës ka marrë kërcënime për jetën.
Por, sot është gazetari Blendi Fevziu ai që e pohon një gjë të tillë. Fevziu shkruan se është informuar se ndaj Lulzim Bashës po organizohej një atentat për eleminimin e tij fizik.
Gjithashtu, ai shkruan se ky atentat synonte destabilizimin e situatës politike në vend dhe me siguri ishte organizuar diku jashtë Shqipërisë nga një vrasës me pagesë.
Jo vetëm kaq, por sipas Fevziut, shefi i SHISH ka pasur një takim urgjent me presidentin e Republikës pardje dhe më pas ai ka takuar, po kaq urgjent, ministrin e Brendshëm Xhafaj dhe kryeministrin Rama.
Por, teksa ky lajm po bën bujë në media, mësohet se Basha do të flasë në “Çadrën e Lirisë” pas 3 orësh, në 18:00.
A do të blindohet çadra sot pasdite? Kjo mbetet për t’u parë.
