Mes 1500 personaliteteve në vend, 30 janë me probleme. Kjo është deklarata e kryetares së Autoritetit të Dosjeve, Gentiana Sula.
“Në 1500 personalitete rreth 30 janë gjetur me probleme në sektorë shumë të rëndësishëm”, – u shpreh Sula, duke mos dhënë më shumë detaje, por që pritet publikimi i këtyre emrave.
Këtë deklaratë Sula e bëri teksa iu përgjigj padisë së ngritur nga prokurori Bujar Sheshi, i vënë së fundi nën akuzë si ish bashkëpunëtor i Sigurimit të Shtetit.
“Punën e kemi të pandikuar nga çdo gjë që ndodh. I shërbejmë vetëm ligjit”, u shpreh Sula. Kryetarja e autoritetit të dosjeve apeloi publikun e mediat se mund të ndjekin rastet hap pas hapi.
