Pas asaj të Borovës në Kolonjës, masakra e 4 shkurtit 1944 në Tiranë, cilësohet si krimi më i madh i pushtuesve nazistë, në bashkëpunim me disa shqiptarë. Historiografia komuniste ka folur për 84 deri në 86 të vrarë. 500 të rinj të tjerë u burgosën dhe u dërguan në kampet e përqendrimit.
Disa burime pretendojnë se atë natë u vranë vetëm 10 militantë komunistë. Protagonisti kryesor ishte shqiptar nga Kosova Xhafer Deva, që në atë kohë mbante postin e Ministrit të Brendshëm.
Më 3 shkurt, Deva ra pre e një atentati nga komunistët. Ai shpëtoi, ndërsa nga sulmi mbeti i vrarë nipi i tij, Fahri Ibrahimi. Deva bashkëpunoi që në vitin 1941 për të krijuar një qeveri pro-gjermane në Kosovë. Ai ëndërronte krijimin e Shqipërisë së Madhe. Ai u largua me gjermanët në Kroaci dhe më pas në Austri, ku u bashkua me shqiptarë të tjerë antikomunistë.
Në vitin 1956, emigroi në SHBA ku luajti një rol aktiv në organizimin e rezistencës antikomuniste deri në vdekjen e tij në vitin 1978. Pas vdekjes u zbulua se ai kishte qenë për shumë vite një bashkëpunëtor i CIA-s.
TIRANA TODAY
