Kanë kaluar 24 orë nga bërja publike e listës së kandidatëve për deputetë të Partisë Socialiste për zgjedhjet e 18 qershorit.
Në këtë listë ka rënë në sy një numër i madh emrash të rinj me kredibilitet në opinionin publik, por në të njëjtën kohë, kjo listë dëshmon haptas edhe pakënaqësitë e kreut të PS-së me ish-miqtë e tij të vjetër, të cilët kanë mbetur jashtë listave.
Nuk ka ende një vendim zyrtar për arsyet e moskandidimit të deputetëve, si: Shkëlqim Cani, Besnik Bare, Valentina Leskaj, Alfred Peza etj., por zëra nga korridoret e selisë rozë, mendojnë se hapja e hetimeve nga Prokuroria, disa prej tyre i ka penalizuar.
Mirëpo, nga ana tjetër, një pjesë e mirë e bashkëpunëtorëve më të ngushtë të kryeministrit Rama mësohet se ndihen të shfrytëzuar dhe të braktisur në mënyrën më të keqe të mundshme.
Po ashtu, supozohet se raporti i një viti më parë i OSBE-së, ka lënë jashtë listave këta “ish-deputetë”.
“Shumë nga biznesmenët e lidhur me aktivitete të paligjshme, krim e trafiqe, kanë hyrë në politikë për të mbrojtur investimet e tyre, për të shtuar pasurinë duke përdorur pozicionin e tyre dhe për të marrë tenderë publikë, ku në këtë Parlament, ka një grup tjetër biznesmenësh të politikës, të cilët kanë ndjekur rrugën e kundërt: ata janë bërë biznesmenë përmes aktivitetesh të fshehta, duke përfituar nga pozitat e tyre apo nga abuzimi me detyrën”, shkruhet në raportin e OSBE-së.
Sakaq, nga raportimet e para në rrjetet sociale mendohet se një nga pistat e mundshme të lënies jashtë të kandidatëve për deputetë është jo vetëm zgjedhja e kandidaturave brenda partive, por është edhe Ligji i Dekriminalizimit.
Deputetët që mbetën jashtë listave të PS-së dhe u larguan gjatë këtij mandati:
Valentina Leskaj
Besnik Bare
Ledi Shkreli
Koço Kokëdhima
Mark Frroku
Tom Doshi
Luljeta Arapi
Bujar Çela Namik
Dokle Ilir Xhagolli
Vexhi Muçmata
Shkëlqim Cani
Artan Gaci
Esmeralda Shkjau
Klodiana Spahiu
Eduard Bejko
Alfred Peza
Ylli Ziçishti
Vladimir Kosta
Deputetët që futen në listat e kandidatëve për deputetë:
Fadil Nasufi
Safet Gjici
Keti Bazhdari
Megi Ajtyresa
Alket Hyseni
Milva Ekonomi
Ardian Çela
Natasha Paço
Elisa Spiropali
Koli Bele
Ogerta Manastirliu
Elona Gjebrea
Sadri Vorpsi
Mirela Kumbaro
