Në Kosovë po mbahet seanca konstituive për zgjedhjen e kreut të Kuvendit. Lëvizja Vetëvendosje ka dalë kundër propozimit të Kadri Veselit për kryetar Kuvendi.
Gjatë fjalës së tij, Albin Kurti tha se VV pranon çdo propozim tjetër, përveç atij të Veselit, ndërsa shtoi se Kosova po humb shumë për shkak të vonesave në konstituimin e institucioneve.
Sipas Kurtit, Veseli nuk pati guxim të mandatohet për kryeministër, ndërsa tashmë nuk po guxon të dalë në votim as në Kuvend.
“Nëse frikësohesh të matesh atëherë jam i bindur që në mesin e deputetëve të PAN-it ka të tillë që i marrin 61 vota. Kjo nënkupton që ka deputetë në mesin e PAN-it që do t’i votoja për deputetë. Ose propozone Veselin ose dikë tjetër që ka mundësi të kaloj. Nuk e kuptoj pse gjithë ky inat dhe gjithë kjo mëri ndaj neve”, ka thënë Kurti.
