Erion Veliaj ka dhënë sot lajmin e shumëpritur për qytetarët e Tiranës: datën e hapjes së sheshit “Skënderbej”.
Në një takim me qytetarë pranë Liqenit Artificial, ku ishte i pranishëm edhe kryeministri, Veliaj tha se sheshi “Skënderbej” do të hapet më 10 qershor, vetëm 8 ditë para datës së caktuar për zgjedhjet parlamentare.
Gjithashtu, kreu i Bashkisë së Tiranës tha se këtë javë do të testohet shatërvani i vendosur në shesh, për të parë mënyrën e funksionimit.
Veliaj tha se pas përfundimit të punimeve, priten notat e qytetarëve për këtë investim të ri në qendër të kryeqytetit.
