Real Madrid nuk ka pasur një start të mirë në La Liga, e cila ka sjellë edhe shkarkimin nga detyra të trajnerit Julen Lopetegui. Trajneri i kombëtares kroate Zlatko Dalic,ka folur për situatën e madrilenëve dhe i ka dalë në mbrojtje mesfushorit, Luka Modric. Ai është shprehur se tek Reali sa herë që humbin bëjnë fajtorë lojtarët e huaj.
“Nuk kam dyshuar kurrë të Modric dhe jam i sigurt që do të rikthehet në formën e tij më të mirë së shpejti. Ne folëm disa ditë më parë dhe Luka më tha që në futboll gjërat ndryshojnë dhe lëvizin shpejt. Ai e di që pasi luajti shkëlqyeshëm për një vit të tërë, nuk mund të jetë në formën e lojtarit të vitit.
Kur Reali humbet një ndeshje, ata shohin për fajtor në radhët e të huajve. Ata fajësojnë Modric, Kroos apo dikë tjetër.” Ndërsa është ndalur edhe te sfida mes Kroacisë dhe Spanjës për Ligën e Kombeve duke thënë:
“Ne po shohim për një revansh, por jo në formën e revanshit, thjesht duam 3 pikët. Do të jetë e vështirë pasi kemi dëmtime dhe rivali është i fortë, por edhe nëse nuk do të kemi shumë posedimin e topit, e dimë që mund ta bëjmë.”
