Ministrja e Shëndetësisë Ogerta Manastirliu, ka bërë të ditur të gjitha aktivitet që do të lejohen prej 1 Qershorit, duke zbatuar në mënyrë strikte masat dhe protokollet e sigurisë.
Deri më datën 23 qershor ndalohet hapja e klubeve të natës, e pishinave, teatrove dhe kinemave.
Po kështu ndalohen tubimet e konferencat, organizimet e mëdha. Një vendim ende nuk ka për transportin publik, për të cilin po hartohet një protokoll i veçantë me Ministrinë e Transporteve që do të bëhet publik së shpejti.
“Do të lejohen nga data 1 Qershor kampionatet sportive, pa praninë e publikut. Do të hapen parqet, qendrat e formimit arsimor, kulturor, qendrat e internetit sipas protokolleve të sigurisë, si dhe palestrat sipas protokolleve të miratuara.
Do të vijojë të jetë i mbyllur transporti publik, për të cilin po punohet me Ministrinë e Infrastrukturës dhe Transporteve për një plan i cili do të bëhet publik në një kohë të shpejtë.
Po kështu do të vijojnë të jenë të ndaluara, aktivitetet kulturore, kinema, teatër, klubet e natës, pishinat, grumbullimet masive, dasmat, konferenca, dëgjesa publike, tubimet e çdo lloji, duke bërë dhe një thirrje për të mos patur përsëritje të grumbullimeve masive, efektet e të cilave do të ishin shumë të dëmshme’, tha ministrja.
