Gazetari i njohur Ilir Ikonomi ka postuar në rrjetin social “Facebook” një shkrim të shkurtër në të cilin flet për marrëdhënien e nënës së aktorit të njohur Aleksandër Moisiu me të birin.
Shkrimi i Ikonomit mban titullin “Krenaria e një nëne: “Kur Aleksandri nuk flet…” Gazetari bën një përshkrim të hollësishëm të marrëdhënies së veçantë që kishte nëna me të birin. Ajo e ndiqte A Aleksandrin kudo ku ai jepte shfaqe, sa në Austri dhe Gjermani.
Ikonomi nuk harron të kujtojë momentet kur nëna e Aleksandrit ndodhej në Vjenë, ajo shkonte thuajse çdo mbrëmje në teatër dhe nuk ia ndante sytë të birit. Por merrte mundimin të shkonte deri në Berlin, kur Moisiu jepte shfaqje atje.
Shumë interesante është ngjarja në Berlin, kur po shfaqej drama “Jedermann”, ndodhi diçka interesante: Gjatë njërit prej akteve, Moisiu qëndron pothuajse gjithë kohën në skenë dhe flet pandërprerë. Në një çast, shfaqet një aktor tjetër, i cili fillon një monolog, ndërsa Moisiu qëndron në heshtje.
Zonja e moshuar i drejtohet njeriut që ishte ulur pranë saj, një shkrimtar i njohur berlinez dhe i thotë: “Këtë skenë mund ta kishin hequr fare. Kur Aleksandri nuk flet, skena nuk ka kuptim…”
Postimi i plotë i Ilir Ikonomit në Facebook
Krenaria e një nëne: “Kur Aleksandri nuk flet…”
Kjo është një foto e rrallë e Aleksandër Moisiut me nënën e tij në Berlin në vitin 1925.
Amalia de Rada, nëna arbëreshe e aktorit të famshëm Aleksandër Moisiu (1879-1935), babai i të cilit ishte nga Kavaja, ndiqte me interesim të madh çdo sukses të të birit.
Sipas gazetës austriake “Die Bühne”, 83-vjeçarja, e cila kishte mbetur e ve që nga viti 1912, ulej pranë gramafonit për të dëgjuar me orë të tëra zërin e Aleksandrit të saj dhe përshpëriste: “Una voce d’angelo!” – Një zë prej engjëlli…
Kur ndodhej në Vjenë, ajo shkonte thuajse çdo mbrëmje në teatër dhe nuk ia ndante sytë të birit. Por merrte mundimin të shkonte deri në Berlin, kur Moisiu jepte shfaqje atje.
Në Berlin, kur po shfaqej drama “Jedermann”, ndodhi diçka interesante: Gjatë njërit prej akteve, Moisiu qëndron pothuajse gjithë kohën në skenë dhe flet pandërprerë. Në një çast, shfaqet një aktor tjetër, i cili fillon një monolog, ndërsa Moisiu qëndron në heshtje.
Zonja e moshuar i drejtohet njeriut që ishte ulur pranë saj, një shkrimtar i njohur berlinez dhe i thotë: “Këtë skenë mund ta kishin hequr fare. Kur Aleksandri nuk flet, skena nuk ka kuptim…”
