Ekipi kombëtar i futbollit nisi sot grumbullimin 5-ditor në kompleksin e ekipeve kombëtare në Turqi ne përgatitje për ndeshjen me Izraelin me 11 qershor për eliminatoret e Botërorit 2018.
Burime nga FSHF bëjnë të ditur se trajneri De Biazi zhvilloi një mbledhje të zakonshme me skuadrën në mesdite, ndërsa pasdite në orën 18.00 (ora lokale) do të kryejë seancën stërvitore me skuadrën.
Dje në rezidencë mbërritën edhe Azdren Llullaku dhe Jahmir Hyka për t’iu bashkuar skuadrës për përgatitjen e ndeshjes zyrtare me Izraelin.
Po ashtu, çdo ditë dy nga lojtaret e përzgjedhur nga trajneri do të dalin në konferencë për shtyp, duke nisur që sot. Në kanalet e komunikimit të FSHF do të përcillet çdo informacion foto apo agjende e ditëve të grumbullimit të kombëtares në Turqi.
