Përfundon ndeshja e parë gjysmë-finale e Kupës së Italisë. Derbi mes Interit dhe Juventusit është mbyllur me fitoren e bardhezinjve me rezultatin 1-2. Zikaltërit kaluan të parët në avantazh në minutën e 9 me Lautaro Martinez, pas një pasimi spektakolar nga Barela nga krahu i djathtë, në një aksion të nisur nga Sançez që pasoi për italianin.
Në minutën e 26, Juventusi barazoi rezultatin me Kristiano Ronaldon. Arbitri akordoi një penallti për bardhezinjtë, pasi e pa aksionin në VAR dhe më pas ndëshkoi me të verdhë Eshli Jang.
CR7 përpara Handanoviç nuk gaboi, por me një goditje qendrore dhe të fortë realizoi duke barazuar shifrat.
Në minutën e 34, Juventusi përmbysi gjithçka në favorin e vet sërish me Ronaldon. Një pasim për portugezin dhe Bastoni gaboi totalisht, por pas tij edhe portieri Handanovië që la portën bosh.
35-vjeçari i shmagu të dy, duke realizuar me portën e boshatisur në pozicion diagonal. Topi preku shtyllën dhe më pas ka përfundoi në rrjetë.
