Piotr Verzilov, një aktivist dhe njëkohësisht bashkëshorti i një prej anëtareve të “Pussy Riot” (grup muzikor anti-Putin), është shtruar me urgjencë në spitalin toksikologjik të Moskës në gjendje të rëndë shëndetësore.
Lajmi u dha nga një prej vajzave të grupit, Veronika Nikulshina. Sipas bashkëshortes së Verzilov, Nadia Tolokonnikova, ai mund të jetë helmuar për shkak të qëndrimeve të tij kundër regjimit të Putinit.
Verzilov dhe tre anëtarë të Pussy Riot pushtuan fushën gjatë finales së Botërorit Francë-Kroaci, të veshur si policë. Ata protestonin kundër presidentit të Rusisë, Vladimir Putin.
Grupi “Pussy Riot”, është një lëvizje feministe në Rusi, e cila ka marrë pjesë në shumë aktivitete për të sensibilizuar shoqërinë në respektimin e femrave, e të drejtave që iu takojnë atyre.
