Taksa e vendosur së fundmi për kalimin e Rrugës së Kombit ka sjellë reagime të ashpra nga qytetarët por së fundmi dhe nga politika .
E ndërsa kemi reagime të forta nuk ka as një përgjigje nga qeveria.
Lidhur me këtë çështje këtë të shtunë kuksianët kanë njoftuar se do të protestojnë te tuneli i Kalimashit kundër taksës së Rrugës së Kombit.
“Të shtunën me datë 31.03.2018, ora 11:30 te tuneli i Kalimashit do të organizohet një protestë qytetare pa ndikime partiake, për t’i thënë ndal taksimit të padrejtë të Rrugës së Kombit. Kjo taksë dëmton të gjithë shqiptarët kuksianë dhe të Dardanisë”, shkruajnë organizatorët në njoftim.
Mesditën e së dielës nisi testimi i taksimit për të gjitha automjetet që kalojnë në Rrugën e Kombit. Tarifë e kripur kjo e cila do të shërbejë për mirëmbajtjen e rrugës.
