Kryeministri Rama nuk e ka anashkaluar incidentin që i ndodhi gjatë mesditës së sotme nga banorët e Kukësit, të cilët çanë kordonin e policisë, duke u afruar tek aeroporti.
Për kryeministrin, kjo është një situatë qesharake, ku militantët e opozitës merren me prita rrugësh.
“Një kryebashkiak qesharak i një partie qesharake del e ze rrugën e Kukësit me administratën, në vend se të ishte me mijëra qytetarët kuksianë në çeljen e punimeve të aeroportit ndërkombëtar!Merren me prita rrugësh në shekullin e XXI e pastaj duan vota nga ky popull. Oh ç’derexhe!”, shkruan Rama në Twitter.
Kryeministri zhvilloi mesditën e sotme një takim në Kukës, në kuadër të turit ‘Bashkia që duam’, ku konfirmoi kandidimin e Safet Gjicit për Bashkinë në zgjedhjet lokale të 30 qershorit, ndërsa demokratët e pritën me protesta.
