Janë mbyllur tre sfidat e orës 14:00 të Superligës shqiptare ku ka pasur mjaft surpriza. Kukësi rrezikon fitoren në minutat e fundit përballë Teutës, pasi pësojnë dy gola në minutat e fundit, por kampionët tregojnë që janë të tillë dhe shënojnë sërish në minutat r fundit për ta mbyllura 4-2. Vllaznia zhgënjen edhe përballë Kamzës duke u mposhtur në fundin e takimit nga një gol i Imerit, për ta çuar në krizë ekipin shkodran. Flamurtari nuk e gjen dot akoma fitoren por merr vetëm një barazim përballë kurbinasve në Laç, goli i Busic në pjesën e parë zhvlerësohet nga ai i Reginaldos.
Kukësi bën dy fitore radhazi në kampionat dhe ruan distancën prej tri pikësh me Skënderbeun kryesues. Formacioni i Mladen Milinkovic mposhti 4-2 në “Zeqir Ymeri” Teutën, e cila futet në krizë rezultatesh pas atij starti premtues të kampionatit. Ndeshja u zhbllokua në minutën e 19-të nga Elis Bakaj, që gjeti rrjetën me një goditje të mrekullueshme prirët me portën, ndërsa në të 32-ën Ethemi realizoi me kokë thuajse nga pika e bardhë e penalltisë. Në fund të pjesës parë shtylla i mohoi golin e dytë personal Bakajt. Gjatë fraksionit të dytë Kukësi shënoi të tretin, që ishte devijim i Hakajt pas goditjes së Alyev, ndërsa pak caste me vonë shkurtoi diferencën në 3-1 Hila me 11-metërsh. Në fund të takimit Lena hapi ndeshjen me golin e 3-2, por në minutën e katërt shtesë Alyev vulosi fitoren 4-2 të verlindorëve.
Kamza i shkaktoi një humbje të hidhur Vllaznisë, duke treguar se është me ambicie të mëdha në Kategorinë Superiore. Golin që u dha tri pikë kamzalinjve e shënoi Imeri në minutën e 86-të. Kjo disfatë e fut në krizë Vllazninë, që mbetet në kuotën e 5 pikëve.
Ndërkohë sfida e Krujës mes Laçit dhe Flamurtarit përfundoi në barazim 1-1. Fillimisht shënuan vlonjatët me Bushic në minutën e 34-t, por në pjesën e dytë kurbinasit barazuan me Reginaldon, duke marrë një pikë me shumë vlerë.
E hënë
Kamza – Vllaznia 1-0
Kukësi – Teuta 4-2
Laci – Flamurtari 1-1
