Meteorologët kanë dhënë alarmin lidhur me temperaturat e larta. Kështu, të premten dhe të shtunën temperaturat do të jenë ekstreme, pasi do të arrijnë deri në 41 gradë.
Sot do të vijojë gjatë gjithë ditës ndikimi i masave ajrore të nxehta e të thata, në të gjithë territorin shqiptar, ndërsa në zonat veriore do të ketë herë pas here edhe vranësira të lehta.
Temperaturat e mesditës mbeten shumë të larta, ndërsa prania e lagështirës në ajër do të theksojë nxehtësinë edhe gjatë orëve te natës dhe të paradites.
Sipas Meteoalb, moti freskohet të dielën dhe të hënën, ndërsa këshillohet që qytetarët të shmangin daljen sidomos në drekë.
