Ka disa ushqime që shkaktojnë kancer të cilave, po t’u dëgjoni emrin, nuk do t’i besoni. Në kohërat e sotme ne jemi duke e ngopur trupin me kimikate kanceroze, duhan dhe substanca të tjera kancerogjene. Por cilat janë disa nga ushqimet e produktet nga të cilat duhet të ruhemi në kohët moderne?
Në numrin e saj të sotëm, prestigjiozja britanike “Daily Mail” ka publikuar studimin më të fundit shkencor që liston 18 produktet ushqimore nga të cilat duhet të bëjmë shumë kujdes. Ja lista e plotë dhe shpjegimet përkatëse:
1-Vajërat e hidrogjenizuara
Këto gjenden në të gjithë ushqimet e paketuara, fast-food-e dhe në margarinë.
2- Kokoshkat (pop corn)
Përveç faktit se përmbajnë vajëra të hidrogjenizuara, është provuar se kokoshkat e përgatitura në mikrovalë mund të shkaktojnë kancerin në mushkëri.
3- Mishi i ftohtë i sanduiçëve
Mishi i ftohtë (ai i tymosur, pastërma, etj) që përdoret për sanduiçë përmban substanca të dëmshme. Ai mund të përçojë te njeriu sëmundjet e kafshëve dhe përmban nitrate që përdoren për konservimin.
4- Hot-dog-ët
Mishi i përdorur për hot-dog-ët ka të njëjtat cilësi negative të mishit të ftohtë që u përmendën më lart. Ai përmban fosfat sodium që njihet si vrasës. Që të kuptohet rreziku, duhet të përmendet një statistikë zyrtare, që thotë se 34 mijë njerëz vdesin çdo vit për shkak të mishit të përpunuar.
5-Mielli i bardhë
Mielli i bardhë është shumë i glorifikuar. Ai bëhet nga pjesa më e mirë e grurit, por procesi i përpunimit, deri sa kthehet në këtë formë, është i panjohur.
6- Mishi i kuq
Është provuar se mishi i kuq dëmton zorrën e trashë dhe shkakton kancer. Fundja, njerëzit që hanë shumë mish të kuq, hanë më pak perime, të vetmet që luftojnë kundër kancerit.
7- Soda dietike
Pra, po përpiqeni të pastroni dhe të zvogëloni kaloritë? Kjo është e mirë por në të vërtetë soda dietike është po aq e dëmshme sa soda me sheqer. Ëmbëlsuesi i njohur si “aspartame” në përbërje të lëngut mund të shkaktojë kancerin e trurit, leuçeminë etj.
8- Soda dhe ëmbëlsirat
Sheqeri është i keq … i qartë dhe i thjeshtë. Por nuk është glukoza që gjendet në frutat që e përbën atë, por disa sheqerëra të bardhë të përpunuar rëndë. Kanceri e do sheqerin dhe tumoret ushqehen prej tij! Kështu që, sa më shumë sheqer i përpunuar, aq më mirë për qelizat e kancerit.
9- Dietat me substanca kimike
Kthehemi tek “aspartame”, një substancë vdekjeprurëse. “Aspartame” është akoma legale sot. Po kështu ishin edhe ëmbëlsuesit e të tjerë artificialë në një këndështrim. Por përfundimisht, këto substanca u ndaluan mr ligj! Në përgjithësi, është më mirë të fusni në trupin tuaj vetëm ushqime organike.
10- Peshku i kultivuar
Shumica e peshqve të kultivuar janë të ngarkuar me antibiotikë, pesticide dhe kimikate të dëmshme për humanët. Kështu që kthejuni peshkimit! Vetëm ngrënia e peshkut të egër, të freskët mund të bëjë mrekulli për trupin tuaj.
11- Ushqimet e konservuara
Fajtori më i madh brenda ushqimeve të konservuara është kimikati “BPA”. Ky kimikat që përdoret rëndom në kuti e shishe është i lidhur ngushtë me kancerin, sidomos me kancerin e gjirit. Prodhuesit e pranojnë rrezikun, por shumica e provave, se këto ushqime shkaktojnë kancer, vijnë nga organizatat jofitimprurëse. Pra, varet nga ju se kujt duhet ti besoni: atyre që bëjnë biznes, apo grupeve jofitimprurëse?
12- Alkooli
Është një fakt i njohur se pirja e alkoolit vjen bashkë me rreziqet e saj dhe kanceri nuk është zakonisht në këtë listë. Megjithatë, studime të ndryshme kanë provuar se alkooli lidhet me disa lloje kanceri. Edhe pse jo të gjitha për shkak të kancerit, rreth 3.5% e vdekjeve në SHBA janë të lidhura me alkoolin.
13- Patatinat
“Acrylamide” është një kimikat që gjendet te silikoni, tymi i cigareve, ngjitëset (adezivët) dhe te patatinat. E keni lexuar drejtë … te patatet e skuqura. Ju mund të habiteni se përse një kimikat i tillë është i lejuar të jetë në ushqimet që konsumojmë? Por ACS u’a ka kërkuar prodhuesve këtë për vite me radhë!
14- Mishi i pjekur në prush
Pjesët e nxira e të djegura te pula e pjekur në zgarë mund të jenë më të preferuarat që doni të kafshoni, por juve mbase do ju duhet të mendoheni dy herë. Kjo sepse studimet kanë zbuluar se ato janë pjesët më toksike.
15- Qumështi dhe kremi në kafe
Për qumështin mund të vihet bast që është i pastër. Por askush nuk duhet të harrojë se lopët pijnë ujë. Qumështi është shqetësimi këtu, ose më mirë, OMGJ-të (ose hormonet) që përdoren shpesh te lopët për të rritur prodhimin e qumështit. Që këto substanca shkaktojnë kancer është thuajse e provuar, dhe për këto arsye janë ndaluar në shumicën e vendeve.
16- Frutat dhe perimet jo organike
Në formën e tyre më të pastër, frutat në të vërtetë e luftojnë kancerin. Por sot edhe frutat janë të përpunuara, të spërkatura me pesticide dhe të konservuara, duke u lidhur me shkaktarët e kancerit. Për të parandaluar rreziqet, duhet të blini vetëm fruta e perime organike.
17- Patatet e skuqura në fast-food
Ne folëm për substancën kancerogjene “Acrylamide” që përdoret për të prodhuar patatinat. Por a e dini se ajo përdoret edhe te patatet e skuqura në fast-food? (patatet që skuqen të zhytura në vaj) Përdorimi i kësaj substance ka provokuar shumë padi penale, por për fat të keq ende është ligjor!
18- Turshitë
A ka mundësi që turshitë të kenë lidhje me kancerin? Një studim i ri thotë se ngjyruesit e hedhur në turshi mund të shkaktojnë kancerin e stomakut. Kjo u zbulua kur u vërejt rritje e kancerit në zona me mungesë të perimeve të freskëta./ TIRANA TODAY
