Të gjitha drogat janë të rrezikshme. Kjo nuk është diçka e panjohur për të gjithë ne. Por, sipas ekspertëve dhe disa kërkimeve të ndryshme, niveli i rrezikshmërisë së tyre ndryshon nga njëra te tjetra. Kjo pasi vlerësohen dëmet që ato shkaktojnë, vlera e drogës në rrugë, shkalla e aktivizimit të dopaminës në tru, sa kënaqësi përfitojnë njerëzit dhe sa lehtë bëhet i varur një njeri.
Ekspertë nga vende të ndryshme të botës kanë bërë këtë ndarje të rrezikshmërisë së dograve.
Në vend të parë qëndron heroina.
Heroina është një lëndë narkotike që sjell rritjen e nivelit të dopaminës në tru deri në 200%. Kjo gjë e vërtetuar në një eksperiment me kafshë. Përveç se është droga që të bën më të varur, heroina është shumë e rrezikshme edhe sepse doza që mund të sjellë vdekjen është vetëm pesë herë më e lartë se ajo që të jep efektin e kënaqësisë. (Të të ndjerit high).
Heroina është cilësuar edhe si droga e dytë më e rrezikshme në shkatërrimin e përdoruesit dhe shoqërisë. Tregu për lëndët narkotike të paligjshme, duke përfshirë heroinën, në 2009 u vlerësua 68 miliardë dollarë në mbarë botën.
Ne vend të dytë, kokaina.
Kokaina ndërhyn drejtpërdrejt me përdorimin e dopaminës së trurit për të përcjellë mesazhe nga një neuron në tjetrin. Kështu, kokaina parandalon që neuronet të fikin sinjalin e dopaminës. Në eksperimente të bëra te kafshët, kokaina solli rritjen e niveleve të dopaminës tre herë më shumë se niveli normal. Mendohet se përdoruesit e kësaj droge janë rreth 14-20 milion njerëz mbarë botën. Në 2009 tregu i kokainës arriti vlerën 75 miliardë dollarë.
Rreth 21% e njerëzve që provojnë kokainën do të bëhen të varur nga ajo në një pikë të jetës së tyre. Kokaina është e ngjashme dhe me simulantë të tjerë, si amfetamina dhe metaamfetamina. E cila po bëhet gjithmonë e më e rrezikshme, për shkak të shpërndarjes së gjerë.
Në vend të tretë, nikotina.
Nikotina është përbërësi kryesor varës i duhanit. Kur dikush është duke pirë një cigare, nikotina përthithet menjëherë nga mushkëritë dhe përcillet te truri. Në 2002 u vlerësua se janë më shumë se 1 miliardë duhanpirës dhe përllogaritet që duhani do të vrasë më shumë se 8 milionë njerëz në vit deri në vitin 2030.
Kafshët laboratorike kanë instinktin të mos pinë cigare. Ndërsa, minjtë e përthithin nikotinën direkt në sistemin e qarkullimit të gjakut. Dhe kjo gjë shkakton nivelet e rritjes së dopaminës me afro 25-40%.
Në vend të katërt, barbituratet.
Ato përdoren kryesisht për të trajtuar ankthin dhe pagjumësinë. Në doza të vogla kjo lloj droge shkakton eufori, por doza të larta mund të jenë vdekjeprurëse, pasi ndalojnë frymëmarrjen. Ato mund të merren nga goja në formë kapsulash apo tabletash, nganjëherë përzihen me ujë dhe injektohen.
Përdorimi për një kohë të gjatë i barbiturateve mund të shkaktojë periudha të shpeshta intoksikimi, shoqëruar me humbje të kujtesës, personaliteti ndryshon dhe rrezikohet nga një depresion më i rëndë.
Në vend të pestë, alkooli.
Edhe pse për moshën mbi 18-vjeç, alkooli është i ligjshëm; ai ka shumë efekte negative në tru. Sipas disa eksperimenteve laboratorike me kafshë, niveli i dopaminës rritej nga 40% në 360%. Dhe sa më shumë kafshët pinin, aq më shumë rritej niveli i dopaminës.
Më shumë se 22% e njerëzve që kanë pirë alkool, do të provojnë varësi ndaj tij gjatë një periudhe të jetës së tyre. Në 2002 afro 2 miliardë njerëz ishin të varur nga alkooli dhe më shumë se 3 milion njerëz vdiqën në 2012 si pasojë e alkoolit./ Përshtati: Tirana Today, Burimi: CNN
