Një 36-vjeçar vdiq dje në periferi të Havanës, njoftoi ministria e brendshme kubane. Sipas agjencisë shtetërore të lajmeve ai kishte marrë pjesë në “trazira”.
Tensioni në Kubë nuk tregon asnjë shenjë qetësimi, me mijëra e mijëra njerëz në rrugë në të gjitha qytetet kryesore të ishullit kanë dalë për të protestuar kundër regjimit dhe kundër një krize që është bërë e patolerueshme për një pjesë të madhe të popullsisë. Dhjetëra arrestime të aktivistëve politikë dhe gazetarëve, përfshirë një reporter të gazetës spanjolle ABC. Një grusht i fortë që bëri që edhe Brukseli të përcaktojë përgjigjen e regjimit ndaj demonstratave si “të papranueshme”.
“Kemi arritur kufirin e qëndresës”, përsërisin njerëzit, të detyruar të mbajnë radhë për orë të tëra për të blerë ushqime ose ilaçe. Dhe pavarësisht se qeveria e Presidentit Miguel Díaz-Canel vazhdon të drejtojë gishtin drejt Shteteve të Bashkuara.
