Objektivi i përfaqësueses së 19 – vjeçareve për femra sipas trajnerit Nevil Dede është kualifikimet e Kampionatit Evropian që do të zhvillohen nga data 25 deri më 31 Tetor në vendin tonë dhe ku si kundërshtarë janë Spanja, Ukraina dhe Azerbajxhani.
Trajneri Dede thotë se kemi prurje të reja dhe “se e mira do ishte që 100 për qind e këtyre vajzave të jenë pjesë e rëndësishme e Kombëtares. Dy vajza vijnë nga Suedia, një nga Norvegjia, një nga Kanadaja dhe një nga Gjermania”. Pjesë e përgatitjeve për kualifikueset e Europianit, por edhe për të hedhur bazat e të ardhmes, do të jetë edhe turneu i muajit Qershor në Malin e Zi.
