Të gjithë e mbajmë mend drejtoreshën e dikurshme të Tatimeve, Briseda Shehaj, e cila u bë virale në rrjetet sociale pas imitimit që iu bë në spektaklin “Portokalli”.
Si duket Shehajn nuk do ta shohim më në politikë por në televizion, pasi mësohet se biznesmeni Ylli Ndroqi ka vendosur që ajo të jetë drejtoreshë e Programacionit dhe e Prodhimit në RTV Ora.
Eksperiencën e saj në Tatime dhe më pas në disa institucione të tjera, Shehaj do të dijë me siguri që ta reflektojë edhe në këtë nismë të re të saj.
Përveç postit si drejtoreshë e Tatimeve , Shehaj ka qenë dhe në krye të Agjencisë Shqiptare të Zhvillimit të Investimeve, si dhe të kryetare e Task Forcës për Bregdetin.
Shprehja “Ku qëndron problemi këtu” e përdorur nga ajo dhe e riprodhuar më pas nga një aktore e ‘Portokallisë’, u bë mjaft virale dhe të gjithë e personifikonin atë me këtë shprehje.
