Ligji i buxhetit i kthyer në Kuvend nga presidenti Meta është konsideruar si një lëvizje politike nga ana e kryeministrit Rama.
Ky i fundit tha se ky vendim i Metës erdhi pasi dëgjoi propozimet e LSI-së.
Por, i menjëhershëm ka qenë edhe reagimi i zëdhënësit të Presidentit, Tedi Blushi, i cili sqaron se në fakt ky vendim erdhi pas deklaratës së kreut te grupit parlamentar të PS-së, Taulant Balla.
POSTIMI I PLOTË
Ja kur erdhi reagimi i Presidentit Meta për çështjen e Buxhetit. Pjesë nga deklarata e sotme në Kuvend e kryetarit të grupit parlamentar të PS, z.Taulant Balla:
Si ta ndryshoj unë buxhetin Petrit, kur buxheti është te Ilir Meta?
Buxheti sot është te Ilir Meta, nuk është në Kuvend. Është te Presidenti i Republikës. Të gjithë e dini që procedura e ndryshimit të buxhetit është një procedurë që nuk bëhet me dy gisht letër, po kjo është tallje.
28 vjet tallje dhe doni të bëni edhe 28 minuta tallje me studentët këtu në sallën e Parlamentit.
